2025 гъэм накъыгъэм и 7-м Пятигорск «ТАСС Кавказ» хъыбарегъащIэ центрым пресс-конференцэ щызэхэтащ, Тхьэм папщIэ бэлыхь куэд зрагъэшэча, ТекIуэныгъэ къэзыхьа Георгий и тхьэнапэ, Сирием щихъ Георгий и цIэр зезыхьэ и цIыхухъу къулъшырыфым щагъэнэхуар (Хомс къалэ, Сирие) Греческэ къуажэм и Георгиевскэ члисэм тыгъэ хуищIар.
Журналистхэм я упщIэм жэуап иритащ Пятигорск, Черкесск щIыналъэхэм я архиепископ Феофилакт, Сафитск и епископ Димитрий, «Христианский мир» зэгухьэныгъэм и Президент Черкезов Алексей.
«ЛъапIэныгъэр къызэрахьар мыхьэнэшхуэ зиIэ къэхъугъэщ, тхьэнапэр мамырыгъэ щыIэн, члисэхэр ефIэкIуэн, фIэщхъунгыъэ зиIэхэм яхуэщхьэпэн папщIэ ятхащи. ЦIыхухэр гуфIэу абы IущIауэ щытащ, - къыхигъэщащ Пятигорск, Черкесск щIыналъэхэм я архиепископ Феофилакт.
ЗэIущIэм хэтхэр къытеувыIащ къэхъугъэм зэреплъым, Сирием кърахыу Урысейм къагъэIэпхъуа тхьэнапэм и гъуэгуанэм, Антиохийскэ, Урыс Чристэн Члисэхэм я хабзэхэм.
«Черкезов Алексейщ жэрдэмыр зейр. Аращ къыхэзылъхьари Iуэхур. Щихъ Георгий и тхьэнапэр Сирием и къулъшырыфым щагъэнэхуу зэныбжьэгъугъэм, лъагъуныгъэм я дамыгъэу ар мыбы къэгъэIэпхъуэныр», - жиIащ Сафитск и епископ Димитрий.
Журналистхэм я упщIэхэр теухуауэ щытащ Пятигорск епархием зэгъусэ тхьэлъэIукIэ тхьэнапэр Пятигорск епархием и Iэгъуэблагъэум зэрагъэIэпхъуэнум.