2025 гъэм накъыгъэм и 12-м Кисловодск и Чристэн Свято-Никольскэ классическэ гимназием щыIущIащ Плеханов Г. В. и цIэр зезыхьэ Урысей экономикэ университетым Севастополь щиIэ къудамэм и унафэщI, «Евангелие. Образы и образа» проектыр зи лэжьыгъэ, профессор Шевчук Игорь.
Игорь гимназием и гъэсэнхэм я пащхьэм щигъэлъэгъуащ Хэку зауэшхуэм и зауэлIхэм я ехъулIэныгъэхэр зыхуэдар, губгъуэм щекIуэкIахэр, архимандрит Кирилл (Павлов) теухуахэр.
Профессорыр къытеувыIащ цIыхум и гъащIэм, Достоевский Ф. и тхылъхэм я лIыхъужьхэр, я духовнэ ехъулIэныгъэхэр. Гимназием и гъэсэнхэр ирагъэплъащ «Россия. Кремль. Путин. 25 лет» документальнэ фильмым щыщ Iыхьэ, къэралым и Iэтащхьэ Путин В. В. Тхьэм, унагъуэм и лъапIэныгъэхэр гъэбыдэным теухуа и псалъэхэр къыщыхьам.
Гимназием и гъэсэнхэр Инджылым и тхыдэм зыхагъэгъуэзащ, шIэныгъэлIым и Iуэтэжхэм яфIэгъэщIэгъуэну едаIуэу, упщIэхэм жэуап ирату. НыбжьыщIэхэм нэхъри щIэщыгъуэ ящыхъуащ Христос , и иужьрей псалъибл Жорым къыщыхьар.
Зэхыхьэр и кIэм щынэблагъэм Игорь гимназием и библиотекэм тыгъэ хуищIащ Кърымым и тхыдэм теухуа тхылъхэр, лъапIэныгъэхэр.
Гимназием и унафэщI щоджэн нэхъыжь Знаменский Иоанн фIыщIэ хуищIащ хьэщIэм щIэщыгъуэу зэхыхьэр зэрыригъэкIуэкIам папщIэ икIи тыгъэ хуищIащ Кавказ Ищхъэрэм и тхыдэм теухуа тхылъыр, «От Пасхи до Пасхи» махуэгъэпсыр, схииеромонах Стефан (Игнатенкэ) теухуа тхылъыр, гимназием и гъэсэнхэм я сурэтхэр щIыгъуу.