Кисловодск къалэм и Чристэн Свято-Никольскэ классическэ гимназием щекIуэкIащ волейболымкIэ IутIыж турнирыр, илъэс 11 хъу хъыджэбз цIыкIухэр зыхэтар, Хэку зауэшхуэм ТекIуэныгъэ Иныр къызэрыщахьрэ илъэс 80 зэрырикъум и щIыхькIэ.
Зэхьэзэхуэм хэтащ волейбол джэгу ныбжьыщIэу Самарэ, Саратов, Новокуйбышевск, Мэздэгу, Черкесск къалэхэм, Ногир къуажэм къикIахэр, Кисловодск и «Старт», гупымрэ Чристэн гимназием и гупымрэ я гъусэу.
МахуиплIкIэ спортсмен ныбжьыщIэхэр зэхьэзэхуащ, гуп нэхъыфIыр къыхахын папщIэ. Зэпеуэ нэужьым текIуахэр ягъэпэжащ.
Гимназием и щоджэн нэхъыжь Чеканов Димитрий гу нэхъыфIхэм хуагъэфэща дамыгъэ лъапIэхэр яритыжащ. Кубокхэмрэ медалхэмрэ иратыжащ Новокуйбышевск, Саратов, Кисловодск щыщ гупхэм. Гуп псоми щIыхь тхылъхэр иратащ, гуп нэхъыфIхэм фэеплъ саугъэтхэр хуагъэфэщащ.
Зэпеуэр къызэригъэпэщащ Чристэн гимназием.