2025 гъэм накъыгъэм и 15-м Тэрч къэзакъыдзэм и штабым щекIуэкIащ УФ-м и Къэрал Думэм и лъэпкъ IуэхухэмкIэ и комитетым и зэIущIэр. Абы хэтащ комитетым и унафэщI Иванов Владимир, урысейпсо къэзакъ зэгухьэныгъэм и атаман генерал Кузнецов Виталий, Тэрч къэзакъыдзэм и атаман Савченкэ Владимир, Къэрал Думэм и депутатхэр, лъэпкъ политикэмрэ къэзакъ IуэхухэмкIэ министрым и къалэнхэр зыгъэзащIэ Калдихов Владислав, урысейпсо къэзакъ зэгухьэныгъэм и правленэр.
Пятигорск, Черкесск щIыналъэхэм я архиепископ Феофилакт и арэзыныгъэкIэ зэIущIэм хэтхэм фIэхъус ярихащ Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан. Щоджэным Щихънагъым я арэзыныгъэр лъигъэIэсащ, Члисэмрэ къэзакъхэмрэ Тхьэм и нэфI зыщыхуа Кавказым зэрыдэлажьэм къытеувыIащ, Тхьэр къадэIэпыкъуну захуигъэзащ.
Къэрал Думэм лъэпкъ IуэхухэмкIэ и комитетым и Реализация Стратегии государственной национальной политики. Региональный опыт работы» зэIущIэм и махуищым хыхьэу IущIащ «Центр знаний «Машук» АНО-м и студентхэм, Пятигорск къэрал университетым зэIущIэ щригъэкIуэкIащ.