2025 гъэм накъыгъэм и 16-м, Пятигорск и лъахэхутэ музейм зыплъыхьакIуэрэ генерал Евдокимов Николай щыщIалъхьа фэеплъым деж тхьэлъэIу щрагъэкIуэкIам Пятигорск щрагъэжьащ XII Евдокимовскэ къеджэныгъэхэр. ТхьэлъэIур ирагъэкIуэкIащ Пятигорск епархием и къэзакъ щоджэнхэм къэзакъхэм ядэлэжьэнымкIэ къудамэм и унафэщI щоджэн нэхъыжь Фещенкэ Стефан я пашэу. Къеджэныгъэхэм хэтахэм щоджэным ялъигъэIэсащ Пятигорск, Черкесск щIыналъэхэм я архиепископ Феофилакт къыбгъэдэкI арэзыныгъэр.
Мы гъэм зэхуэсыр Пятигорск епархиемрэ Тэрч зэгухьэныгъэмрэ я къызэгъэпэщакIуэхэм траухуащ ТекIуэныгъэ Иныр къызэрахьрэ илъэс 80 зэрырикъум, къэхутэныгъэхэм гулъытэ хуащIу. Унагъуэ, школ архивхэм къыхаха тхыгъэхэр нэхъ къащтащ.
Абы щытекIуащ Марьины Колодцы къуажэм щыщ Бородавкэ Константин 140 танк щхьэхуэ бригадэм 1943 гъэм щIышылэ мазэм лIыгъэ щызэрихьа щIыпIэхэм Минводы къалэм зыплъыхьакIуэ щригъэкIуэкIри. КъэпщытакIуэ гупым хэтхэм лэжьыгъэ нэхъыфI 15 къыхахащ, щIыхь тхылъхэмрэ саугъэтхэмрэ яритри. НыбжьыщIэхэмрэ егъэджакIуэхэмрэ дипломхэр иратащ. «Пишем историю» къыдэкIыгъуэм ихуащ лэжьыгъэ нэхъыфIхэр.