2025 гъэм накъыгъэм и 20-м Пятигорск, Черкесск щIыналъэхэм я архиепископ Феофилакт Пятигорск епархием и унэм щригъэблэгъащ Новопавловскэ члисэ округым и щоджэн Гордин Александр.
Александр иджыблагъэ игъэлъэпIащ и илъэс 40-р. Щихънагъыр гуапэу ехъуэхъуащ щоджэным, Новопавловск и Петропавловскэ члисэм и ухуэныгъэмрэ округым и екIуэлIапIэхэм я Iуэхухэмрэ зыхуэдэм щIэупщIащ.
Юбилейм ирихьэлIэу архиепископ Феофилакт щоджэн Гордин Александр иритащ «За труды на благо Пятигорской епархии» медалым и III нагъыщэр.