2025 гъэм мэкъуауэгъуэм и 1-м, IутIыжым и 7-нэ тхьэмахуэм, I Вселенскэ соборым, Cтаврополь и къэзан кафедральнэ соборым архиерейхэм я тхьэлъэIу щекIуэкIащ.
ТхьэлъэIу литургиер иригъэкIуэкIащ Ставропольскрэ Невинномыскрэ я митрополит Кирилл. Ар драгъэкIуэкIащ Пятигорск, Черкесск щIыналъэхэм я архиепископ Феофилакт, Георгиевскрэ Прасковейскрэ я епископ Николай, Ставрополь митрополием и щоджэнхэм.
Члисэм Тхьэ щелъэIуащ: Иоанно-Мариинскэ цIыхубз къулъшырыфым и унафэщI игумение Иоанн (Лихоманов) къулъшырыфым и щоджэнхэм, атаманхэм, ТВКО-м и къэзакъхэм, Архиерей къэзакъ конвойм и гъэсэнхэм, чристэн къэлъыхъуакIуэхэм я зэгухьэныгъэм, фIэщхъуныгъэ зиIэхэм, щIыналъэм и хьэщIэхэм я гъусэу.
Литургием хыхьэу щоджэн нэхъыщхьэм къардэн къулыкъур иригъэкIуэкIащ, Ставрополь духовнэ семинариер къэзыуха Гомзяк Николай.
ТхьэлъэIур и кIэм щынэблагъэм Ставрополь митрополием и Iэтащхьэр къеджащ Москварэ Урысей псомрэ я Патриарх Кирилл зэрызыхуигъазэм, I Вселенскэ соборыр илъэс 1700-рэ зэрырикъур зэрагъэлъапIэм теухуауэ. Митрополит Кирилл тхьэлъэIум хэтхэм хъуэхъукIэ захуигъэзащ.