2025 гъэм Ставрополь духовнэ семинарием и ухуэныгъэм щекIуэкIащ Ставрополь митрополием и Архиерей советым и зи чэзу зэIущIэр. Ар иригъэкIуэIкащ Ставропольскрэ Невинномыскрэ я митрополит Кирилл.
Советым и лэжьыгъэм хэтащ Пятигорск, Черкесск щIыналъэхэм я архиепископ Феофилакт, Георгиевскрэ Прасковейскрэ я епископ Николай, советым и секретарь щоджэн нэхъыжь Моздор Иоанн. Ирагъэблэгъахэм ящыщщ Ставрополь духовнэ семинарием члисэ тхыдэмкIэ и кафедрэм и унафэщI, Ставрополь епархием щихъхэр канон щIынымкIэ и комиссэм и унафэщI щоджэн Шишкин Евгений.
ЗэIущIэм хыхьэу мы Iуэхугъуэхэм щыхэплъащ:
⦁ «Свято-Крестовская» теплъэр гъэлъэпIэным и IуэхукIэ зэфIагъэкIахэм кърикIуахэр;
⦁ Ставрополь митрополием и щихъхэм я Соборыр;
⦁ Будённовскэ гузэвэгъуэр къызэрыхъурэ илъэс 30 зэрырикъум теухуа зэхыхьэхэр къызэгъэпэщыным;
⦁ Ставрополь духовнэ семинарием теухуа Iуэхухэм.
НэгъуэщI Iуэхугъуэхэми абы щытепсэлъыхьащ, Ставрополь митрополием и гъащIэмрэ гуащIэмрэ теухуауэ.
Лэжьыгъэхэм и пэ къихуэу, митрополит Кирилл еджапIэм защригъэплъыхьащ. Архиепископ Феофилакт семинарием и ректор щоджэн нэхъыжь Самойленкэ Павел тыгъэ хуищIащ КъегъэлакIуэ Христос и теплъэр.