2025 гъэм мэкъуауэгъуэм и 10-м, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ КъБР-м хыхьэ Совхознэ къуажэм и Свято-Троицкэ цIыхубз къулъшырыфым и Троицкэ члисэм.
Щоджэн нэхъыщхьэм къулыкъур драгъэкIуэкIащ Пятигорск епархием Налшык щиIэ округым и щоджэнхэм благочиннэ щоджэн нэхъыжь Бобылев Валентин я пашэу. Къардэн къулыкъур иригъэкIуэкIащ къардэн нэхъыжь Кубэ Димитрий. Пастыр нэхъыщхьэм и гъусэу Тхьэ елъэIуащ къулъшырыфым щыIэ шыпхъухэмрэ щIыналъэ лъапIэм Тхьэ елъэIуну кIуахэмрэ.
Литургие нэужьым Щихънагъым зэгъусэ тхьэлъэIур иригъэкIуэкIащ, махуэшхуэр игъэлъапIэу икIи фIэщхъуныгъэ зиIэхэм узэщIыныгъэкIэ захуигъэзащ. Щоджэн нэхъыщхьэм къагъэщIэрэщIэжа къулъшырыфым и япэ унафэщIу щыта игумение Антоние (Бобылевэ) щыщIалъхьэжа щIыпIэм деж тхьэлъэIу щригъэкIуэкIащ.
ИужькIэ, къулъшырыфым и унафэщI игумение Тамарэ (Ушаковэ), щоджэнхэр и гъусэу, архиепископ Феофилакт къулъшырыфым и щытыкIэм еплъащ.