КъШР-м и Зеленчукскэ районым и администрацэм и Iэтащхьэм и япэ къуэдзэ Шыдакъ Эсен иригъэкIуэкIа зэIущIэм щыхэплъащ бадзэуэгъуэм и 12-м станицэм и махуэр зэрагъэлъэпIэнум теухуа программэми. Зэхыхьэм хэтхэр тепсэлъыхьащ къапэщылъ Iуэхугъуэхэм, программэр къащтащ, жэуаплыныгъэ зыхьынухэр къагъэлъэгъуащ.
Станицэм и махуэр Петропавловскэ члисэм щрагъэжьэнущ тхьэлъэIу литургиекIэ. АдэкIэ спорт зэхьэзэхуэхэмкIэ пащэнущ. Махуэр и кIэм щынэблагъэкIэ щIыналъэм щыпсэухэмрэ абы и хьэщIэхэмрэ папщIэ махуэшхуэ концерт зэхэтынущ. Абы и программэм хагъэхьэнущ Зеленчукскэ районым и творческэ гупхэм я лэжьыгъэхэр, Краснодар филармонием и «Скрыня» гупри хыхьэу.
Зэхыхьэм хэтащ Пятигорск епархием и Ипщэ Къэрэшей-Шэрджэс округым и благочиннэ щоджэн нэхъыжь Субтельный Евгений.