«Лик кавказа» хъыбарегъащIэ-публицистикэ газетым и 204-нэ къыдэкIыгъуэм щытопсэлъыхь Урысей Федерацэм къэрал политикэмкIэ и Стратегиер гъэзэщIэнымкIэ Межведомствэ комиссэм къэзакъхэм ядэлэжьэнымкIэ и Синод комитетым и унафэщI, Ставропольрэ Невинномыскрэ я митрополит Кирилл и арэзыныгъэкIэ урыс къэзакъхэм ятеухуауэ Москва щекIуэкIа и зэIущIэм щытопсэлъыхь.
КъыдэкIыгъуэм еджэхэм я пащхьэм щызэхуэхьэсащ Пятигорск, Черкесск щIыналъэхэм я архиепископ Феофилакт урысейпсо къэзакъ зэгухьэныгъэм и атаман Кузнецов Виталий Пятигорск епархием и унэм зэрыщыIущIам теухуа тхыгъэ. Газетым къыщыхьащ Тэрч районым и къэзакъ щIалэгъуалэм ятеухуа II зэхуэсым теухуа хъыбар, къэзакъ зэгухьэныгъэхэм я щоджэнхэр зыхэтар. ХъыбарегъащIэ-публицистикэ газетым и зи чэзу къыдэкIыгъуэм къыщыхьащ Епархием и «Отчизны верный сын» XII щIэныгъэ-практикэ конференцэм щытекIуа, Кисловодск къалэм и Свято-Никольскэ чристэн классикэ гимназием и гъэсэн Чеканов Константин и рефератым щыщ.
Хабзэ зэрыхъуауэ къыдэкIыгъуэм къыщыхьащ къэзакъ гъащIэм теухуа хъыбархэр, тэрч, кубан къэзакъыдзэхэм я хъыбарыщIэхэр, Пятигорск, Черкесск щIыналъэхэм я Iэгъуэблагъуэм щыIэм.