ЧЕРКЕССК ЩАГЪЭЛЪЭПIАЩ ЩИХЪ ТИХОН И КЪАРУМ ЩЫЩ IЫХЬЭХЭР АБЫ ЗЭРАГЪЭIЭПХЪУАР

14.07.2025
Просмотры: 815

2025 гъэм бадзэуэгъуэм и 13-м, щихъ Тихон, Москва и Патриархым и къарум щыщ Iыхьэхэр Черкееск къалэм и Никольскэ соборым щагъэIэпхъуам и етIуанэ махуэм, щихънагъым и тхьэлъэIу литургиер иригъэкIуэкIащ Пятигорск, Черкесск щIыналъэхэм я архиепископ Феофилакт, Пятигорск епархием и щоджэнхэм Административнэ секретариатым и унафэщI щоджэн Яковенкэ Илья я пашэу. Пастыр нэхъыщхьэм и гъусэу Тхьэ елъэIуащ къэзакъ-баталпашинецхэр, Къэрэшей-Шэрджэсым щыпсэухэр, щIыналъэ лъапIэм Тхьэ елъэIуну къэкIуахэр. ХъыбарыфIхэр зэрыт тхылъ лъапIэм итхэм къеджа нэужь, Щихънагъым фIэщхъуныгъэ зиIэхэм узэщIыныгъэкIэ захуигъэзащ.

ФIэщхъуныгъэ зиIэхэм, Къэрэшей-Шэрджэсым и Iэтащхьэ Темрезов Рашид и цIэкIэ ехъуэхъуащ КъШР-м и ЦIыхубэ Зэхуэсым (Парламентым) и УнафэщI Иванов Александр. Парламентым къыбгъэдэкI щIыхь тхылъыр абы иритащ Ищхъэрэ Къэрэшей-Шэрджэс округым и благочиннэ щоджэн нэхъыжь Нартов Александр.

ТхьэлъэIум хыхьэу архиепископ Феофилакт щихъ Радонижский Сергий къыбгъэдэкI орденыр иритащ Административнэ секретариатым и унафэщI щоджэн Яковенкэ Илья.

Литургие нэужьым щоджэнхэм архиепископ Феофилакт я пашэу лъапIэныгъэр зэгъусэ тхьэлъэIукIэ яхьащ апостол пэлъытэ Кириллрэ Мефодийрэ я фэеплъ Черкесск и утыкум щыIэм. Щихънагъым щоджэнхэм я гъусэу тхьэлъэIу цIыкIу иригъэкIуэкIащ, республикэм зиужьыным теухуауэ.

Зэхыхьэр щиухым ирагъэкIуэкIащ «Крепкая семья — сильная Россия» унагъуэ фестивалыр. Архиепископ Феофилакт и къэпсэлъэныгъэм фIыщIэ щыхуищIащ республикэм и унафэщIхэм, КъШР-м и Iэтащхьэ Темрезов Рашид, зэхыхьэр къызэрызэригъэпэщамкIэ, унагъуэ фестивалри хыхьэу.  Пастыр нэхъыщхьэм и гъусэу унагъуэм ехьэлIа зэхыхьэхэм хэтащ КъШР-м и муфтий Ерчэн Мухьэммэд-хьэжы.

815
Фотогалерея