Унагъуэм, лъагъуныгъэм, зэхуэпэжыныгъэм я махуэм Кисловодск къалэм и Никольскэ соборым и «Святыни земли родной» музейм щыIущIащ УФ-м ЕгъэджэныгъэмкIэ и министерствэм и «Государственный научно-методический центр бухгалтерского учета и аудита» щIэныгъэ IуэхущIапIэм и унафэщI Воробьевэ Любовь.
ЦIыхухэм социальнэ Iуэхутхьэбзэхэр щыхуащIэ Кисловодск центрым и нэIэм щIэтхэмрэ соборым и хьэщIэхэмрэ папщIэ Любовь игъэхьэзыращ Ставропольскрэ Владикавказскрэ я митрополит Гедеон (Докунин) теухуа хъыбар. Щихънагъым и адэ-анэр и щапхъэу урыс унагъуэм и хабзэхэм, нэхъыжьым, жьэгум и хъумакIуэ анэм пщIэ хуэщIыным еплъащ.
Лекторыр тепсэлъыхьащ Щихънагъыр анэм зэрыхущытам, гъаблэм къыхэкIыу бынищ зыфIэкIуэда, диныр IэщIыб щащI зэманым хиубыдам.
Зэхыхьэм хэтхэр еплъащ «Святитель» фильмым. Митрополит Гедеон абы и гугъу щещI и унагъуэм, и анэ Докунинэ Матронэ.