КЪЭРЭШЕЙ-ШЭРДЖЭСЫМ ЩЫЗЭХАЛЪХЬЭЖАЩ СУРЭТ ЩIЫНЫМКIЭ «МОЯ ДРУЖНАЯ СЕМЬЯ» ЗЭПЕУЭМ КЪРИКIУАХЭР

15.07.2025
Просмотры: 516

Унагъуэм и лъапIэныгъэхэм теухуа зэпеуэм зэхуишэсащ ныбжьыщIи 116-рэ. СурэтыщIи 8 щытекIуащ абы. ЩIыхь тхылъхэмрэ саугъэтхэмкIэ ягъэпэжэнущ ахэр.

Зэхьэзэхуэр иригъэкIуэкIащ «Моя дружная семья: уроки семейной медиации» проектым хыхьэу, Черкесск и Покров члисэм - «Чристэн жэрдэм» грант зэхьэзэхуэм щытекIуам. КъэпщытакIуэ гупым хагъэхьащ Пятигорск, Черкесск щIыналъэхэм я архиепископ Феофилакт, щоджэнхэр, унафэщIхэр, хъыбарегъащIэ IэнатIэхэм я лэжьакIуэхэр, жылагъуэр.

Пятигорск, Черкесск щIыналъэхэм я архиепископ Феофилакт зэрыжиIамкIэ, апхуэдэ жэрдэмхэм мыхьэнэ яIэщ унагъуэм лъагъуныгъэ хурагъэщIыным и мызакъуэу гъунэгъухэм яку дэлъ зэхущытыкIэхэр ирагъэфIэкIуэн папщIэ.

 «Унагъуэр — унэ къудейкъым, ар икIи уэрам дызытесырщ, гъунэгъухэрщ, ди республикэм щыпсэухэрщ. Апхуэдэ зэхыхьэхэм я фIыгъэкIэ сабийхэм зыхащIэ хабзэм, щэнхабзэм, нэхъыжьым пщIэ хуэщIыным дызэрызэришалIэр, нэхъ къарууфIэ дызэрищIыр», - къыхигъэщащ Щихънагъым.

Зэпеуэм куэд къыпэджэжащ: ныбжьыщIэхэм я лэжьыгъэхэм унагъуэм и теплъэр, цIыху хабзэхэр, лъапIэныгъэхэр къыщыгъэлъэгъуэжащ. ТекIуахэр фокIадэм ягъэлъэпIэнущ, еджакIуэхэр гъэмахуэ лагерхэм къикIыжмэ.

 

 

516
Фотогалерея