2025 гъэм бадзэуэгъуэм и 21-м, Тхьэм и Анэм и тхьэнапэр Къэзан къыщыунэхуа махуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ ЕссэнтIыгу къалэм и Къэзан члисэм.
Щоджэн нэхъыщхьэм къулыкъур драгъэкIуэкIащ Пятигорск епархием ЕссэнтIыгу щиIэ округым и щоджэнхэм благочиннэ щоджэн нэхъыжь Фещенкэ Стефанрэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ къэзакъхэмрэ къалэдэсхэмрэ.
Литургие нэужьым Щихънагъым зэгъусэ тхьэлъэIур иригъэкIуэкIащ, Тхьэм и Анэр игъэлъэпIащ, фIэщхъуныгъэ зиIэхэм узэщIыныгъэкIэ захуигъэзащ икIи екIуэлIапIэм и лэжьакIуэхэм фIыщIэ, щIыхь тхылъхэр яритащ.
КъыкIэлъыкIуэу, щоджэнхэм я гъусэу, архиепископ Феофилакт ухуэныгъэм зыхигъэгъуэзащ, екIуэлIапIэм и Iэгъуэблагъуэм щыIэм.