АРХИЕПИСКОП ФЕОФИЛАКТ ХЭТАЩ УРЫСЕЙМ И КЪЭРАЛ ДУМЭМ И ДЕПУТАТ ЗИНОВЬЕВ ВАСИЛИЙ И ХЬЭДЭЩIЭЛЪХЬЭМ

01.08.2025
Просмотры: 646

Ставрополь митрополием и сайтым хъыбар къызэрыдигъэщIамкIэ, 2025 гъэм бадзэуэгъуэм и 31-м, Ставропольскрэ Невинномыскрэ я митрополит Кирилл Рыздвяный къуажэм Христос и цIэр зезыхьэ и члисэм щригъэкIуэкIащ Урысейм и къэрал думэм и депутату Ставропольем и цIэкIэ щыIэ, Изобильнэ округым щIыхь зиIэ и цIыху Зиновьев Василий и хьэдэщIэлъхьэр.

ТхьэлъэIум и пэ къихуэу митрополит Кирилл зэхуэсахэм захуигъэзащ пастыр нэхъыщхьэм и псалъэкIэ, дунейм ехыжам и благъэхэмрэ Iыхьлыхэмрэ яхуэгузавэу.

Къулыкъур абы драгъэкIуэкIащ: Пятигорск, Черкесск щIыналъэхэм я архиепископ Феофилакт, Изобильнэ щIыналъэм и благочиннэ Рыбин Сергей, Христос и Хъуромэ члисэм и унафэщI щоджэн нэхъыжь Галяс Игорь, епархием и щоджэнхэм.

ТхьэлъэIу уэрэдхэр игъэзэщIащ Ставрополь духовнэ семинарием и хор Дмитриев Дмитрий зэригъакIуэм.

ТхьэлъэIум хэхтащ Ставрополь крайм и Изобильнэ округым и Iэтащхьэ Коврыгэ Роман, «Газпром трансгаз Ставрополь» ООО-м и унафэщI Завгороднев Алексей, унафэщIхэр, дунейм ехыжам и лэжьэгъуу щытахэр, и благъэхэр, Iыхьлыхэр.

Зиновьев Василий щыщIалъхьэжащ Рыздвяный къуажэм и кхъэм. ТхьэлъэIур абы щригъэкIуэкIащ Пятигорск, Черкесск щIыналъэхэм я архиепископ Феофилакт. Щихънагъым дунейм ехыжам и благъэхэмрэ Iыхьлыэмрэ захуигъэзащ.

 

646
Фотогалерея