2025 гъэм шыщхьэуIум и 2-м, бегъымбар Илия и фэеплъ махуэм, пасэрей Алан къалэм Ильинскэ члисэм и утыкум и гупэм Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ. Щоджэн нэхъыщхьэм къулыкъур драгъэкIуэкIащ члисэ округхэм я благочиннэхэмрэ Пятигорск, Берлинскэ епархиехэм я щоджэнхэмрэ Пятигорск епархием и Административнэ секретариатым и унафэщI щоджэн Яковенкэ Илия я пашэу.
Къэрэшей-Шэрджэсым, Къэбэрдей-Балъкъэрым, Ставропольем, нэгъуэщI щIыналъэхэм щыщхэми Христос и щэхухэм зыхагъэгъуэзащ.
Литургие нэужьым бегъымбар Илия и цIэр зезыхьэ члисэм щекIуэкIащ зэгъусэ тхьэлъэIур. Пастыр нэхъыщхьэм узэщIыныгъэкIэ захуигъэзащ щоджэнхэм, Тхьэм и нэфI зыщыхуа Кавказым щIыналъэ лъапIэм Тхьэ щелъэIуну къэкIуахэм, Архиерей щIыхь, фIыщIэ тхылъхэр иритащ члисэм и лэжьакIуэхэм, екIуэлIапIэм кIуэхэм, псапащIэхэм.
Члисэм и унафэщI иеромонах Елевферий (Казаков) Щихънагъым, щоджэнхэм, щIыналъэ лъапIэм Тхьэ елъэIуну къэкIуахэм фIыщIэ хуищIащ. ХьэщIэхэм махуэшхуэ Iэнэ къыхуащтащ.