Зеленчукскэ станицэм ЩэнхабзэмкIэ и унэм щекIуэкIащ Кубань къэзакъыдзэм Зеленчукскэ районым щиIэ къэзакъ зэгухьэныгъэм и атаманым и зи чэзу зэхуэсыр.
Есаул Миронычев Виктор къэзакъхэм яригъэлъэгъуащ 2024 гъэм жэпуэгъуэм щыщIэдзауэ зэфIагъэкIахэр. Иджыпсту Зеленчукскэ районым и къэзакъ зэгухьэныгъэм къэзакъ 539-рэ къызэщIеубыдэр.
Атаманым и отчетым хыхьэу къыхигъэщащ зэгухьэныгъэм зэфIигъэкIахэр. Гъатхэ дзэ дэкIыгъуэм къэзакъ щIалэ 15 дашащ УФ-м IэщэкIэ зэщIэузэда и къарухэм къулыкъу щащIэну. Къэзакъ 64-рэ дзэ Iуэху хэхам щыIэщ. Къэрал дамыгъэ къэзакъ 17-м иратыну къагъэлъэгъуащ, хэкIуэдахэм ящыщу. Абыхэм зы дакъикъэкIэ яхуэщыгъуащ къэзакъхэр.
Атаманым фIыщIэ тхылъыр иритащ Кардоникскэ станицэм и «Тыл фронт» псапэ IуэхущIапIэм и лIыкIуэм. Атаманым къыхигъэщащ къэзакъ хабзэхэр щIалэгъуалэм яхэлъхьэн, зэгухьэныгъэхэм хэгъэхьэн зэрыхуейр.
Отчет нэужьым зэхуэса къэзакъхэм зыхуагъэзащ ирагъэблэгъа хьэщIэхэм: КъШР-м и Зеленчукскэ районым и администрацэм и Iэтащхьэ Брыкинэ Маринэ, Пятигорск епархием Ипщэ Къэрэшей-Шэрджэсым щиIэ благочиннэ щоджэн нэхъыжь Субтельный Евгений, нэгъуэщIхэри.
Атаманхэм я отчет нэужьым финанс-ревизэ комиссэм и советым и унафэщIымрэ нэхъыжьхэм я советым и унафэщIымрэ я отчет нэужьым Зеленчукскэ районым и къэзакъ зэгухьэныгъэм и лэжьыгъэр къехъулIауэ къалъытащ.