2025 гъэм шыщхьэуIум и 13-м, «Радость Слова» чристэн тхылъ-гъэлъэгъуэныгъэр къыщызэIуахым, ТАСС-Кавказ РИЦ-м пресс-конференцэ щекIуэкIащ, абы теухуауэ.
Зэхуэсым и плIанэпэхэр зэрылэжьэнум теухуа программэм, абы и хьэщIэхэм, гъэлъэгъуэныгъэхэм тепсэлыъхьащ Пятигорск епархием и пресс-секретарь щоджэн нэхъыжь Самохин Михаил. Абы къыхигъэщащ щихъ Тихон, Москва и Патриархыр дунейм зэрехыжрэ илъэси 100 зэрырикъум теухуа выставкэр зэрытраухуар икIи зыубгъуауэ тепсэлыъхьащ Пятигорск епархием ар зэрыщагъэлъэпIэнум.
Журналистхэм я упщIэхэм жэуап иритащ зэхуэсым и хьэщIэхэм ящыщ зым, щоджэн цIэрыIуэ, блогер Островский Павел. Павел къытеувыIащ Члисэ узэщIыныгъэр Интернетым къызэрыщыхьам, щIалэгъуалэр члисэм къыхэшэным, эзотерикэ щIэныгъэ зэхуэмыдэхэм зэрыпэщIэтынум. Апхуэдэу хьэщIэр тепсэлыъхьащ и екIуэлIапIэр дзэ Iуэху хэхам щыIэхэм зэрадэIэпыкъу щIыкIэм.
Пресс-конференцэ нэужьым щоджэн Островский Павелрэ екIуэлIапIэм кIуэхэмрэ Спасскэ кафедральнэ соборым щызэхуэсащ. Пятигорск, Черкесск щIыналъэхэм я архиепископ Феофилакт зэхыхьэм хэтхэм фIэхъус ярихащ Пятигорск члисэ округым и благочиннэ щоджэн нэхъыжь Симанович Олег. Урыс Чристэн Члисэм и тхылъ тедзапIэ советым и унафэщI, Калужскрэ Боровскрэ я митрополит Климент и фIэхъусым къеджащ къудамэм и лэжьакIуэ щоджэн Степанов Андрей.
«Отче наш» тхьэлъэIур зэпкъраха нэужь, Павел жэуап иритащ екIуэлIапIэм кIуэхэм я упщIэхэм. Зэхыхьэм хэтахэм зэгъусэу сурэт зытрагъэхащ.