2025 гъэм шыщхьэуIум и 14-м, Пятигорск епархием и ЩIалэгъуалэ центрым «Голгофа Патриарха Тихона» фильмым еплъу щIадзащ «Радость слова» чристэн гъэлъэгъуэныгъэм и етIуанэ махуэр. Пятигорск къалэм и библиотекэ нэхъыщхьэм къыщызэIуахащ зэхуэсымрэ «Святитель Тихон» сурэт гъэлъэгъуэныгъэмрэ.
Зэхуэсыр къыщызэIуихым, Пятигорск, Черкесск щIыналъэхэм я архиепископ Феофилакт Пятигорск и библиотекэ системэ нэхъыщхьэм и унафэщI Бандурин Василийрэ библиотекэм и лэжьакIуэхэмрэ захуигъэзащ хьэщIагъэ къызэрырахам, библиотекэм «Радость слова» тхылъ гъэлъэгъуэныгъэр зэрыщрагъэкIуэкIам папщIэ, Патриарх Тихон дунейм зэрехыжрэ илъэси 100 зэрырикъум траухуар.
Василий апхуэдэу Щихънагъым фIыщIэ хуищIащ зэрызэдэлажьэм папщIэ икIи къытеувыIащ илъэси 10-м щIигъуауэ библиотекэр Пятигорск епархием зэригъэныбжьэгъур, хабзэ хъуауэ апхуэдэ зэхыхьэхэр зэрыздрагъэкIуэкIыр, фIэщхъуныгъэр, псэкупсэр, къеджэныгъэр зэпащIэу.
Урыс чристэн Члисэм и Тхылъ тедзапIэ советым и унафэщI, Калужскрэ Боровскрэ я митрополит Климент и цIэкIэ хьэщIэхэм фIэхъус ярихащ советым и лэжьакIуэ щоджэн Степанов Андрей.
Зэхыхьэм утыку къыщрахьащ Патриарх Кирилл и «Вслед за святителем Тихоном. Подвиг новомучеников и исповедников Церкви Русской» тхылъыр, нэгъуэщI къыдэкIыгъуэхэр, Москва Патриархием и тхылъ тедзапIэм къыдигъэкIар.
ХьэщIэхэм зыхагъэгъуэзащ тхылъхэм, Патриарх Тихон теухуа сурэт гъэлъэгъуэныгъэм.
Выставкэхэм еплъа нэужь, библиотекэм и хьэщIэхэм, Пятигорскдэсхэм къадэкIуэу, нэгъуэщI щIыпIэхэм къикIауэ зызыгъэпсэхухэри яхэту, зэхуэсым къыщыпсэлъахэм едэIуащ.
ХьэщIэ нэхъыщхьэ хъуащ щоджэн нэхъыжь Стеняев Олег, чристэн тхакIуэ икIи публицист, богослов-узэщIакIуэ, Сокольники щыIэ Предтечи Иоанн и цIэр зезыхьэ Хъуромэ члисэм и клирикыр. ФIэщхъуныгъэм папщIэ бэлыхь куэд зэрашэчам къытеувыIэри, зэхуэсахэм я упщIэхэм абы жэуап иритащ.