2025 гъэм шыщхьэуIум и 21-м Пятигорск епархием и унэм, Пятигорск, Черкесск щIыналъэхэм я архиепископ Феофилакт и унафэм щIэту щекIуэкIащ Пятигорск епархием и Епархие советым и зэIущIэр. Абы ирагъэблэгъащ члисэ округхэм я благочиннэхэмрэ епархием и къудамэхэмрэ я унафэщIхэмрэ.
Зэхыхьэм щыхэплъащ Iуэхугъуэ 13-м. Абы я нэхъыбэр траухуат щихъ, Москва и патриархыр Тихон дунейм зэрехыжрэ илъэси 100 зэрырикъум. Советым хэтхэр къытеувыIащ щихъ Тихон траухуа «Зеленый Афон» зэхуэсымрэ «Радость слова» выставкэмрэ. Апхуэдэу къытеувыIащ Черкесск къалэм щихъ Тихон и къарум щыщ Iыхьэ зэрагъэIэпхъуэнум.
ЗэIущIэм хэтхэр тепсэлъыхьащ пастыр конференцэм, Чристэн Свято-Никольскэ классическэ гимназием и лэжьыгъэм кърикIуахэм, IутIыж инклюзивнэ фестивалым, Евдокимовскэ къеджэныгъэхэм, регент курсхэр къызэраухам, КИФЩI-м и монаххэм, «Вера» радиор илъэсипщI хъуауэ зэрылажьэм, «Бештау-2025» щIалэгъуалэ зэхуэсым.
А псом къыдэкIуэу, советым хэтхэр хэплъащ епархием и щоджэнхэр щIэныгъэм и махуэр гъэлъэпIэным зэрыхэтынум икIи унафэ къащтащ Пятигорск епархиер къызэрагъэщIэрэщIэжрэ илъэс 15 зэрырикъур 2026 гъэм ягъэлъэпIэну.