2025 гъэм шыщхьэуIум и 25-м Пятигорск епархием и Пятигорск члисэ округым и благочиннэ щоджэн нэхъыжь Симанович Олег игъэлъэпIащ илъэс 50 зэрырикъур. Соборнэ тхьэлъэIу литургием Пятигорск къалэм и Покров члисэм щызэхуэсащ щоджэн 20-м щIигъу, епархием и Административнэ секретариатым и унафэщI щоджэн Яковенкэ Илия я пашэу.
Литургие нэужьым щоджэнхэм Преображение махуэшхуэр ягъэлъэпIащ икIи фIыщIэ тхьэлъэIу ирагъэкIуэкIащ юбилярым папщIэ. Илия зи махуэр зыгъэлъапIэм иритащ епархием и дамыгъэ. Юбилейм папщIэ Пятигорск, Черкесск щIыналъэхэм я архиепископ Феофилакт щоджэн нэхъыжь Симанович Олег иритащ «За труды на благо Пятигорской епархии» медалым и III нагъыщэр.