2025 гъэм шыщхьэуIум и 30-м Боргустанскэ станицэм махуэшхуэ щекIуэкIащ, станицэр къызэрызэрагъэпэщрэ илъэс 200 зэрырикъум и щIыхькIэ.
Абы щызэхуэсащ хьэщIэ лъапIэхэр: Ставрополь крайм и губернатор Сысоев Александр, Предгорнэ муниципальнэ округым и Iэтащхьэ Бондаренкэ Николай, Ставрополь крайм и думэм и депутат Роев Николай, Предгорнэ муниципальнэ округым и думэм и унафэщI Жуковэ Антонинэ, станицэм и Георгиевскэ члисэм и унафэщI щоджэн Поддубный Михаил.
Михаил станицэдэсхэм ехъуэхъуащ къэхъугъэмкIэ, къэзакъ хабзэхэр зэрахъумэр къыхигъэщащ. Щоджэныр станицэдэсхэм ехъуэхъуащ гуапагъэ ящIэнымкIэ Тхьэр къадэIэпыкъуну, стницэр ефIэкIуэну.
Ставрополь крайм и думэм и депутат Роев Николай къыхигъэщащ Михаил станицэм и гъащIэм жыджэру зэрыхэтыр икIи фIыщIэ тхылъыр иритащ.