2025 гъэм фокIадэм и 2-м, бегъымбар Самуилрэ Тхьэм папщIэ бэлыхь куэд зрагъэшэча Гермогенрэ я фэеплъ махуэм, и къулыкъум зэрыпэрытрэ илъэс 35-рэ зэрырикъур игъэлъэпIащ Азие Курыт митрополичье округым и Iэтащхьэ, Ташкентскрэ Узбекистанскрэ я митрополит Викентий. А махуэм Щихънагъ Викентий пастыр нэхъыщхьэхэм я гъусэу тхьэлъэIу литургие щригъэкIуэкIащ Ташкент къалэм Тхьэм и Анэм и Успения кафедральнэ соборым. Пастыр нэхъыщхьэхэм я гъусэу зи юбилейр зыгъэлъапIэм къулыкъур дищIащ Урыс Чристэн Члисэм и Патриаршэ благочинием и екIуэлIапIэхэр Тыркуменистаным щызезыгъакIуэ Пятигорск, Черкесск щIыналъэхэм я архиепископ Феофилакт.
Щихънагъ Викентий къулыкъур дищIащ: Крутицкрэ Коломенскрэ я митрополит Павел, Синод ЛъапIэм хэт, Москва Патриархием епархием и IуэхухэмкIэ хамэ къэрал гъунэгъухэмкIэ и Управленэм и унафэщIыр; Самарскрэ Новокуйбышевскрэ я митрополит Феодосий, Душанбинскрэ Таджикистанскрэ я епархиехэр зезыгъакIуэр; Волгоградскрэ Камышинскрэ я митрополит Феодор; Екатеринбургскрэ Верхотурскрэ я митрополит Евгений; Барнаульскрэ Алтайскрэ я митрополит Сергий; Челябинскрэ Миасскрэ я митрополит Алексий; Единецкрэ Бричанскрэ я архиепископ Никодим; Сорокскрэ Дрокиевскрэ я архиепископ Иоанн; Исилькульскрэ Русско-Полянскрэ я епископ Феодосий; Бишкекскрэ Кыргызстанскрэ я епископ Савватий; Орскрэ Гайскрэ я епископ Ириней; Тарскрэ Тюкалинскрэ я епископ Викентий; Троицкрэ Южноуральскрэ я епископ Павел.
Пастыр нэхъыщхьэхэм къулыкъур дащIащ Ташкентскрэ Узбекистанскрэ я епархиехэм я щоджэнхэм, щоджэн хьэщIэхэм. ТхьэлъэIум хэтащ Екатеринбург, Верхотурье я цIыхубз къулъшырыфхэм я унафэщIхэр, епархием и къулъшырыфхэм щыIэхэр. Литургие, фIыщIэ тхьэлъэIу нэужьхэм митрополит Викентий хьэщIэхэм я хъуэхъухэм къеджащ.
Урыс Чристэн Члисэм и УнафэщI, Москварэ Урысей псомрэ я Патриарх Кирилл и цIэкIэ хъуэхъум къеджащ Крутицкрэ Коломенскрэ я митрополит Павел. Азие Курыт митрополичье округым и синодым хэтхэм я цIэкIэ хъуэхъум къеджащ Душанбинскэ епархиер зезыгъакIуэ митрополит Феодосий.
А махуэм митрополит Викентий ехъуэхъуащ Ташкентскэ епархием и щоджэнхэр, епархием и управленэм и лэжьакIуэхэр, епархием и члисэхэм екIуалIэхэр.
Успенскэ соборым и соборнэ утым тхьэлъэIу цIыкIу щекIуэкIащ щихъ Лукэ и фэеплъымрэ Азие курыт митрополичье округым и дамыгъэмрэ я деж. Щихънагъ Викентий соборнэ утым деж шэджэгъуашхэм папщIэ фIыщIэ яхуищIащ, и юбилейм папщIэ ягъэхьэзырам.