ФокIадэм и 3-р – терроризмым пэщIэтыным и махуэщ. Ар 2005 гъэм Урысейм щагъэуващ икIи Беслъэн къалэм 2004 гъэм фокIадэм и 1-3-хэм къыщыхъуа гузэвэгъуэхэм пыщIащ.
2025 гъэм фокIадэм и 3-м Кисловодск и Никольскэ соборым и щоджэн нэхъыжь Чеканов Димитрий пэкIум къыщыпсэлъащ терракт къыщыхъуа Подкумок-Белый Уголь станцым и гъущI гъуэгум деж.
ПэкIум хэтащ Кисловодск къалэм и Iэтащхьэ Моисеев Евгений, Кисловодск мэжджытым и имамыр, къалэ синагогэм и раввиныр, къалэ-зыгъэпсэхупIэм щыпсэухэр.
Димитрий ягу къигъэкIыжащ а махуэм террактым хэкIуэдахэр ягу къызэрагъэкIыжыр, ди къэралым и къалэ куэдым къыщыхъуахэр, Тхьэм и дежкIэ цIыху псори зэрыпсэур къыхигъэщу, террористхэм я зэранкIэ хэкIуэдахэр зыщамыгъэгъупщэну къыхуриджэу.
ПэкIум хэтахэр зы дакъикъэкIэ яхуэщыгъуащ террористхэм я зэранкIэ хэкIуэдахэм икIи жорым удз гъэгъахэр тралъхьащ.