2025 гъэм фокIадэм и 3-м, терроризмым щIэбэнхэм я махуэм, Черкесск къалэм и библиотекэ нэхъыщхьэм зэIущIэ щызэхэтащ, Беслъэн къалэм къыщыхъуа гузэвэгъуэм теухуауэ.
ЕджакIуэхэм епсэлъащ благочиннэм егъэджэныгъэмкIэ и дэIэпыкъуэгъу щоджэн Якушев Игорь, терроризмыр зэрымыхъумыщIагъэр, абы лъэпкъ, дин зэхэгъэж зэримыIэр, дызэкъуэувэу псори абы дыпэщIэтын зэрыхуейр. Игорь ныбжьыщIэхэр къыхуриджащ зэкъуэтыну, зыр адрейм дэIэпыкъуну, зыщыщ лъэпкъми зэрыт динми емылъытауэ.
ЕджакIуэхэр ирагъэплъащ «Профилактика экстремизма и терроризма» нэтыным. Iуэхум хэтахэм иратащ «Россия против террора» буклетыр, Черкесск къалэм спортымкIэ, физкультурэмрэ щIалэгъуалэ политикэмкIэ и Управленэм игъэхьэзырар. Библиотекэм и лэжьакIуэхэм ягъэуващ «Имя трагедии-Беслан» хъыбарегъащIэ стендыр.