2025 гъэм фокIадэм и 17-м Кисловодск благочинием и члисэхэм тхьэлъэIухэр щекIуэкIащ. Абы хэтащ МЧС-м и лэжьакIуэхэр. А махуэм Урыс Чристэн Члисэм щагъэлъапIэ Тхьэм и Анэм и «Неопалимая Купина» тхьэнапэр. Ар мафIэсгъэункIыфIхэм, къегъэлакIуэхэм я хъумакIуэщ.
Кисловодск къалэм и Пантелеимоновскэ члисэм тхьэлъэIу уэрэд щагъэзэщIащ къалэ Центрым къызэрымыкIуэ щытыкIэхэмрэ граждан зыхъумэжыныгъэмкIэ и лэжьакIуэхэр хэту. ТхьэлъэIур иригъэкIуэкIащ щоджэн Тригуб Михаил. Щоджэныр махуэшхуэмкIэ ехъуэхъуащ мафIэс-къегъэлакIуэ гупым икIи я лэжьыгъэмкIэ Тхьэр къадэIэпыкъуну захуигъэзащ.
Бекешевскэ станицэм Тхьэм и Анэм и Хъуромэ члисэм и унафэщI щоджэн Семилетов Илия фIыщIэ тхьэлъэIу щригъэкIуэкIащ станицэм и мафIэсгъэункIыфIым. Илия фIыщIэ хуищIащ МЧС-м и лэжьакIуэхэм я лIыгъэм, гъунэгъум дэIэпыкъуну зэрыхьэзырым папщIэ икIи махуэшхуэмкIэ ехъуэхъуащ.