ФокIадэм и 29-м щыщIэдзауэ жэпуэгъуэм и 3 пщIондэ Пятигорск епархием иппотерапиемкIэ и «Целебный Ессентуки» центрым щокIуэкI шы спортымкIэ олимпиадэ. Ар ди щIыналъэм япэу щекIуэкI зэхьэзэхуэщ. Абы хэтщ атлети 100-м щIигъу УФ-м и субъект 22-м щыщу.
ХьэщIэхэмрэ зэпеуэм хэтхэмрэ фIэхъус ярихащ Пятигорск, Черкесск щIыналъэхэм я архиепископ Феофилакт. «Мыр олимпиадэ хэхащ икIи абы мыхьэнэ зэриIэр къегъэлъагъуэр. Ар гугъуехьхэм пхыкIахэм, насыпыфIэ хъуахэм я зэхуэсщ. НасыпыфIэу ущытыныр фIэщхъуныгъэ быдэ уиIэнырщ, ныбжьэгъу пэжу ущытынырщ. Зыми ущымышынэнырщ, ипэкIэ укIуэнырщ. Апхуэдэу щытщ мы манежыр, - жиIащ Щихънагъым.
Атлетхэм унэтIыныгъиплIым зыкъыщагъэлъэгъуэнущ: эстафетэ, шыкIэ къызэдэжэн, нэгъуэщIхэри. Зэхьэзэхуэр «Микст» программэм тету екIуэкIащ (бзылъхугъэхэми цIыхухъухэми) дивизионкIэ гуэшауэ щытынущ.
Зэпеуэм кърикIуахэм тету медали 100 ятынущ спорт программэм хыхьэу. КъыжыIапхъэщ олимп зекIуэ хэхам щытекIуахэмрэ абы къыхэжаныкIахэмрэ къадэкIуэу абы хэтахэм ящыщу 4-8-нэ увыпIэ къэзыхьахэр зэрыщагъэлъапIэр.