2025 гъэм фокIадэм и 29-м Кисловодск зыгъэпсэхупIэм и Пантелеимоновскэ члисэм щекIуэкIащ Ставрополь митрополием члисэ псапэ щIэнымрэ социальнэ къулыкъумкIэ и Межъепархие коллегие.
Коллегием хыхьащ:
Ставрополь митрополием и Межъепархие коллегием члисэ псапэ щIэнымрэ социальнэ къулыкъумкIэ и унафэщI, Пятигорск епархием члисэ псапэмрэ социальнэ къулыкъумкIэ и къудамэм и щоджэн нэхъыжь Акименкэ Сергей.
Члисэ псапэмрэ социальнэ къулыкъумкIэ Георгиевскэ епархием и унафэщI щоджэн нэхъыжь Колесник Андрей, Ставрополь епархием члисэ псапэмрэ социальнэ къулыкъумкIэ и къудамэм и унафэщIым и дэIэпыкъуэгъу щоджэн нэхъыжь Крикунов Александр.
Коллегием и лэжьыгъэм и пэ къихуэу тхьэлъэIу ирагъэкIуэкIащ гуапагъэ ялэжьыным къыхэкIыу. Iуэхугъуэхэм тепсэлъыхьа нэужь, зэIущIэм хэтхэр щыIащ социальнэ центрхэм.
Япэ хъуащ иппотерапиемкIэ «Целебный Ессентуки» центрыр, шы спортымкIэ урысейпсо олимпиадэ щхьэхуэр щекIуэкIа щIыпIэм. Центрым и лэжьыгъэм зыхигъэгъуэза нэужь, Пятигорск, Черкесск щIыналъэхэм я архиепископ Феофилакт и арэзыныгъэкIэ, митрополием и социальнэ къудамэхэм я унафэщIхэр щыIащ «Анэхэм папщIэ унэ» кризис центрым, сабий ныкъуэдыкъуэхэм папщIэ «ДыгъафIэ къалэ» центрым, Георгиевскэ къулъшырыфым хъыджэбз цIыкIухэм папщIэ щыIэ «София» екIуэлIапIэ пансионатым, щытыкIэ гугъу ихуа цIыхухъухэм я екIуэлIапIэ Тхьэм папщIэ бэлыхь куэд зрагъэшэча Пантелеимон и цIэр зезыхьэ члисэм щыIэм.
Ставрополь, Георгиевскэ епархиехэм я социальнэ къудамэхэм я унафэщIхэм фIыуэ къалъытащ Пятигорск епархием и социальнэ лэжьыгъэхэр. Гулъытэ ин хуащIащ дзэ Iуэху хэхам къикIыжу зи унагъуэхэм къахыхьэжа зауэлхIэм.