Пятигорск епархием и Ипщэ Къэрэшей-Шэрджэс округым и благочиннэ щоджэн нэхъыжь Субтельный Евгенийрэ апостол пэлъытэ Мефодийрэ Кириллрэ я фэеплъ члисэ Преграднэ станицэм щыIэм и унафэщI щоджэн Соловьев Алексейрэ хэтащ КъШР-м и Урупскэ районым и администрацэм и Iэтащхьэ Зайцев Михаил драгъэкIуэкIа зэIущIэм.
ЗэIущIэм хэтахэр тепсэлъыхьащ пащтыхь шэнтиуэ махуэшхуэм, члисэр Курджиновэ къуажэм зэрыщаухуэрэ илъэс 25-рэ зэрырикъум зэрызыхуагъэхьэзырынум. Махуэшхуэхэм зэрагъэлъэпIэнур къагъэлъэгъуащ, жэуап зыхьынухэр хахащ.
2025 гъэм жэпуэгъуэм и 9-м щихъ Тихон и цIэр зэрихьэу Курджиновэ къуажэм щыIэ, Москва и Патриархым и цIэр зезыхьэ члисэм тхьэлъэIу литургие щригъэкIуэкIынущ Пятигорск, Черкесск щIыналъэхэм я архиепископ Феофилакт.