2025 гъэм жэпуэгъуэм и 8-м, щихъ Радонижский Сергий и фэеплъ махуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Черкесск къалэм и Сергиевскэ члисэм.
Щоджэн нэхъыщхьэм къулыкъур драгъэкIуэкIащ Пятигорск епархием и Ищхъэрэ-Къэрэшей-Шэрджэс округым и щоджэнхэм благочиннэ щоджэн нэхъыжь Нартов Александррэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ Къэрэшей-Шэрджэсым и къалащхьэм щыпсэухэр.
Литургие нэужьым Щихънагъым зэгъусэ тхьэлъэIур иригъэкIуэкIащ, члисэм и хъумакIуэр игъэлъэпIащ, дамыгъэхэр яритащ, фIэщхъуныгъэ зиIэхэм узэщIыныгъэкIэ захуигъэзащ. Архиепископ Феофилакт зыщигъэгъуэзащ члисэр зэрырагъэфIэкIуэну эскизхэм.