Сентябрь айны 26-да Воздвижение Честного и Животворящего Креста Господня деген байрамны аллы бла Пятигорске бла Черкесскени архиепископу Феофилакт, Пятигорск шахарны Спасс кафедрал соборунда байрамгъа джоралаб воздвижение Креста этиб дин къуллукъ бардырды. Архиерейге соборну динчилери да къуллукъ этдиле. Архипастырь бла шахарны джамагъаты бла курортну къонакълары да тилекле этдиле. 27-чи сентябрда, байрамны кеси кюнюнде архиепископ Феофилакт, Кисловодск шахарны Крестовоздвиженский клисасында Дин къуллукъ бардырды. Архиерейге, Пятигорск епархияны Кисловодск округуну благочинныйи протоиерей Знаменский Иоанны башчылыгъы бла епархияны динчилери да болушдула. Литургиядан сора Владыка къачлы джюрюшге башчылыкъ этиб, байрамгъа махтау салыб дин ахлуларына ауаз берди. Андан сора Православ динчи сабий садда, Крестовоздвиженский клисаны къатында ишлеген Раббийни Анасыны «Скоропослушница» деген иконасыны сыйына аталыб школгъа дери учрежденияны 15 джыллыгъын белгилеу болуб етдю. Концертден сора сохталаны эмда воспитателлени Архипастырь бла сабий садны директору протоиерей Лиманов Гермоген алгъышлады.