2025-чи джыл октябрь айны 7-де Беломечет стансени Михайловский клисасында къазакъ джамагъатланы динчилерини бютеуэресей конференциясы болуб етдю. Тюбешиуню, дин къуллукъчуланы, атаманланы, Терк аскер къазакъ джамагъатны къазакъларын, аскер къуллукъчуланы эмда джаш телю организацияланы, культура бла билим бериу санагъатланы келечилерин бирикдирди.
Пятигорске бла Черкесскени архиепископу Феофилактны разылыгъы бла конференциягъа, епархия белюмню тамадасы протоиерей Фещенко Стефанны башчылыгъы бла Пятигорск епархияны къазакъ джамагъатларыны динчилери да къошулгъан эдиле.
Иш кюн собор намаз бла башланнганды. Стансе клисада дин къуллукъгъа, Терк къазакъ аскерни аскер динчиси протоиерей Самойленко Павел башчылыкъ этди. Литургия бошалгъандан сора динчиле ашхы ишни башларгъа дуа этдиле, аны кибик СВО-ну зонасында елген динчиле бла къазакълагъа да джаназы дуа этдиле.
Конференциягъа къошулгъанла къачлы джюрюш бла бардырдыла, андан сора пленар заседание болуб етген джергили культура Юйню мекямында ишин андан ары бардырдыла.
Конференциягъа къошулгъанла къазакъланы тин-иннет айнытыуну магъаналы сорууларын сюздюле. Епархиал белюмню тамадасы протоиерей Фещенко Стефан, Пятигорск епархияда къазакъ джаш тёлю бла ишлегенини юсюнден доклад этди, аны кибик конференциягъа къошулгъанлагъа архиепископ Феофилактны алгъыш сезюн эмда алгъышын да айтды.