Черкесскеде юйдегини багъалыкълары бла адетлерине аталгъан «моя дружная семья» деген республикалы сабий сурат конкурсда хорлагъанланы саугъалау болду. Конкурс Черкесскени бютеулю билим берген эмда ыйых кюн школларындан джаш суратчыланы 116 ишин джыйгъанды.
Жюрини эсеплерине кёре сегиз хорлагъан – орта школланы окъуучулары: Вероника Ткачева, Зульфия Арсланова, Бэлла Азова, Виктория Нестеренко, Элина Чичханчиева, Амид Къобанланы, Азалия Голаева эм Бэлла Хапсирокова салыннгандыла. Ала бары да багъалы саугъала бла дипломла алгъандыла, къалгъан къатышханла уа – грамотала аллыкъдыла.
Къуанч саугъалау КЪЧР-ни Джамагъат палатасында бардырылды. Саугъаланы палатаны председатели Ляшова Елена бла Пятигорск епархияны Шимал Къарачай-Черкес округуну благочинныйи протоиерей Нартов Александр бердиле.
Конкурс «Моя дружная семья: уроки семейная медиация» деген проектни чеклеринде къуралгъанды.
«Биз юйдегилеге болушлукъ дерге боллукъ ишни этебиз. Бизни муратыбыз-юйюрле битеу къыйынлыкъланы хорларгъа, къаты болургъа эм бузулмазгъа онгладыла. Юч айны ичинде юй бийчеге бир бирлерин ангыларгъа, жарашыргъа болушхан 45 медиатор специалистни юйретгенбиз. Проектни чеклеринде уллу юйюр фестиваль бла сабий сурат конкурс ётгенди. Республиканы эмда Черкесск шахарны администрациясына разылыгъымы билдирирге излейме юйдегини бегитирге этилген темагъа эс белгени ючюн», - деб айтды благочинный.
Эсге салсакъ, «Моя дружная семья: уроки семейная медиации» деген проект «Православная инициатива» деген конкурсда хорлагъан эди Эмда Черкесск шахарны Покров клисасыны приходу бла баджарылады. Ол юйдегиде къаугъаланы эмда айырылыуланы профилактикасына аталгъанды, даулашыуланы конструктивли баджарыуну культурасын къурауну, адетли юйюр хазнаны бегитиуню эмда медиацияны санагъатларында специалистлени хазырлауну юсю бла. Проектни чеклеринде медиацияны окъутууну 45 адам ётгенди.