Къарачай-Черкесияны Джамагъат палатасында «Традиционная семья как основного развития России: проблемы и перспективы», деген ат бла тегерек стол болуб етдю.
Сюзюуге КЪЧР-ни Халкъ Джыйылыууну депутатлары, толтуруучу властны, республиканы билим бериу бла илму министерствосуну, дин къуллукъчуланы, джамагъат эмда дин организацияланы келечилери, юристле, экспертле, кёб сабийли ата-анала эмда профильли окъуу заведенияланы студентлери да къошулгъан эдиле. Тюбешиуню баш нюзюрю-юйдегини институтун бегитиуню эмда адетли багъаланы бусагъатхы чакъырыуланы болумларында джакълауну джолларын ачыкълауду.
«Тёрели юйюр-ол жаланда жамауатны бёлюмю тюйюлдю, адеп-къылыкъны, юйретиуню эм бир бирге болушлукъну мурдорлары къуралгъан энчи системады. Айырыб юйюрде сюймекликге, джууаблылыкъгъа эмда бириннетлиликге юренебиз. Бюгюнлюкде юйдегилени джакълау, ала деменгили, сабийле уа насыблы боллукъ болумла къураргъа артыкъ да бек магъаналыды», - деб чертди КЪЧР-ни Джамагъат палатасыны таматасы Ляшова Елена.
Къатышханла демография политиканы, юйюр билим бериуню эм юйюрледе къаугъаланы профилактикасыны сорууларына энчи эс бургъандыла.
Пятигорск епархияны Шимал Къарачай-Черкес округуну благочиниясы, «Наша дружная семья: уроки семейной медиации» деген проектни тамадасы протоиерей Нартов Александр, бюгюн къуру багъалыкъланы юсюнден селешген бла къалмай, юйдегилеге практикада болушлукъ этген да магъаналыды, деб чертди.
«Биз юйдегилеге болушлукъ дерге боллукъ ишни этебиз. Бизни муратыбыз – юйюрле къыйынлыкъланы хорларгъа, кючлю болургъа эм бузулмазгъа онгладыла. Проектни чеклеринде юч айны ичинде юй бийчелеге бир бирлерин ангыларгъа, къаугъаланы мамыр жол бла тамамларгъа болушхан 45 медиатор специалистни юйретгенбиз. Быллай башламчылыкъла керти эсепле бередиле: юйюрле сакъланадыла, байламлыкъла бютюн келишимли боладыла. Быллай программала мындан ары да ёсериклери бек магъаналыды, нек дегенде кючлю юйдеги кючлю Россияны мурдоруду».
Тёгерек столну эсеблери бла резолюция къабыл этилгенди, анда юйдегилеге болушлукъ этерге мадарла этилгендиле: льготалы ипотека бла юйдеги предпринимательство программаланы ёсдюрюу, джаш тёлюню ангылы аталыкъгъа хазырлау джаны бла курсланы сингдириу, кёб сабийли юйдегилеге джакълыкъны кенгертиу, медия аралыкъда деструктив идеологияланы джайылыууна къаршчылыкъ этиу.
Къошулгъанла, властны, джамагъатны эмда дин институтланы кючлерин бирикдириу юйдегини институтун бегитирге, туугъанланы ёсдюрюрге эмда Къарачай-Черкесияны эмда Бютеу Эресейни тутхучлу ёсюмюн баджарыргъа мадар берликлерине ышанмакълыкъларын билдирдиле.
«Наша дружная семья: уроки семейная медиации» деген Проект «Православная инициатива» деген конкурсда хорлагъан эди Эмда Черкесск шахарны Покров клисасыны приходу бла баджарылады. Ол юйдегиде къаугъаланы эмда айырылыуланы профилактикасына аталгъанды, даулашыуланы конструктивли баджарыуну культурасын къурауну, адетли юйюр хазнаны бегитиуню эмда медиацияны санагъатларында специалистлени хазырлауну юсю бла. Проектни чеклеринде медиацияны окъутууну 45 адам ётгенди.