Москва бла бютеу Эресейни Сыйлы Патриархы Кириллни башламчылыгъы бла разылыгъы бла 2023-чю джылдан бери бизни къралда Сыйлы благоверный бий Александр Невский шыйыхны сыйына аталыб сабий-джаш телю спорт оюнла бардырыладыла. Ючюнчю аллай оюнла, сентябрны 9-15-де 2025 джылда болгъан, халкъла арасы статусну алгъандыла, нек дегенде алагъа Сербиядан, Белоруссиядан, Къазахстандан, Египетден, Гагаузиядан эм Да Россияны 74 регионундан 10-12 джыл болгъан школчула къошулгъандыла. Эришиуле беш спорт дисциплинада ётгендиле: мини-футбол, баскетбол, стол теннис, самбо эм шахмат.
Эришиуле тюрлю-тюрлю дин тёрелени жаш тёлюлерин бирикдирирге жораланнгандыла. Сыйлы Патриарх Кириллни разылыгъы бла хар команда спортчуланы тин джаны бла айнытхан дин къуллукъчу бла турнирге келедиле. Сабийле уа бир-бирлери бла эришмей, спорт хорламлагъа бирге жетедиле.
2025-чи джыл ноябрны 11-де Пятигорскени епархиал юйю, физкультура бла спортну ишлеринден Патриархлы комиссияны председатели Мурманский бла Мончегорскени митрополити Митрофанны пятигорске бла Черкесскени архиепископу Феофилакт бла Эмда Ставрополь крайны ДУМ-ларыны председатели муфтий Мухаммад-Хаджи Рахимов бла тюбешиу джери болуб етдю.
Мухаммад-хаджи митрополит Митрофаннга, ёсюб келген тёлюню юретиуде православ-муслиман диалогну сынамындан: окъуу заведениялада биргелей тюбешиуледен, джаш телю лагерлени ишлеринден, дагъыда башха билим бериу эмда социал проектледен хапар айтды.
Патриархлы комиссияны председатели, ставрополь бла Шимал Кавказны башха регионларыны джаш муслийманларыны командаларын оюнлагъа тири къошулургъа чакъырыб, Татарстандан, Башкириядан, Эресейни башха регионларындан джаш муслийман спортчуланы джетишимли сёлешиулерин юлгюге келтиргенди. Муфтий чакъырыуну къабыл этиб, эресейчи джаш тёлюню бютеу миллетле бла динлени бирлигин бегитиуге джарар деб ышаныуун билдиргенди.
Митрополит Митрофан архиепископ Феофилактха, тюбешиуню къурагъаны эмда сыйлы Кавказда патриархлы башламчылыкъланы айнытыугъа болушургъа хазырлыгъы ючюн разылыгъын билдирди. Митрополит Митрофан бла тюбешиуге Дагъыда Пятигорск епархияны Административ секретариатыны тамадасы иерей Яковенко Илия эмда епархияда физкультура бла спортну айнытыугъа джуаблы иерей Тригуб Михаил да къошулгъан эдиле.