Къарачай-Черкесияны ара шахарында IX Сабий Сергий окъууланы джабыу адетни чегинде «Моя дружная семья» деген сочиненияланы конкурсунда хорлагъанланы саугъалау болду. Быйыл конкурсха 70 иш тюшгенди — джылы, таза джюрекден этилген эмда юйюр байлыкълагъа сый берген.
Конкурс Черкесск шахарны Покрова Пресвятой Богородица клисасыны приходу бла бардырылгъан " Наша дружная семья: уроки семейная медиация» деген проектни кесеги болду. Конкурсда хорлагъанланы - Роман Аковну, Алан Турклиевни эмда Мелекаев Къурманны — Покров клисаны динчиси иерей Якушев Игорь саугъа этди. Сабийле дипломла бла «Разговор о важнемом»деген юйюр стол оюнла алдыла.
"Хар сочинение — ол гитче, алай а бек тюз шагъатлыкъды, сабийлени юйдегилерин къалай сезгенлерини, джууукъланы сюймекликлерин эмда джакълыкъларын. Бу ишле къуру творчестволу урунуу болуб къалмай, джамагъатны къолунда тургъан багъалыкъларын эсгертедиле. Сабийлени кертиликлери бла теренликлери ючюн, устазлагъа насийхатчылыкълары ючюн, ата – аналагъа уа сабийлеригизге сиз къурагъан джылы рахатлыкъ ючюн ыспас этерге сюеме», – деб чертди иерей Якушев Игорь.
Эсге салсакъ, «Бизни шохлукъ юйдегибиз: юйдеги медиацияны дерслери» деген проект «Православная инициатива»деген грант конкурсда хорлагъанды. Аны мураты — юйдегиде къаугъаланы профилактикасыды эмда дауланы рахатлыкъда джарашдырыуну культурасын ёсдюрюуню юсю бла адетли багъалыкъланы бегитиудю. Инициативаны чегинде медиацияны окъутууну 45 адам ётгенди, ала къаугъада тургъан неда кризисден ётген юйдегилеге болушлукъ этедиле.
РИА КЧР-ни материалларына кёре