КЪЧР-ни РИА-сыны билдиргенине кёре, Черкесскеде «наша дружная семья: уроки семейная медиация»деген проектни чеклеринде юйюр медиаторланы окъутуу бошалгъанды. Проект «Православная инициатива» деген грант конкурсну хорлагъанды эмда юйдеги конфликтлени рахатлыкъда баджарыуну практикасын ёсдюрюуге аталгъанды.
Ал кюнюнде Черкесскени Покров клисасыны китабханасында мероприятия болуб етдю, анда проектни эсеблерин чыгъарыб, окъуудан озгъан медиатрлагъа сертификатла да бердиле. Эсге салсакъ, программагъа бютеулей да 45 адам къатышханды. Ала юйюр медиацияны право, психология эм ниет жанларын тинтгендиле. Экспертле болуб сынамлы специалистле: отставкадагъы судья Юрий Коцубин, психолог Олег Жедяев эм проектни башчысы протоиерей Александр Нартов сёлешгендиле.
Бу проект юйюр медиация къаллай керекли болгъанын кёргюзтгенди. Биз адамланы даулашыуланы рахатлыкъ бла баджарыугъа керти эслерин кёргенбиз эм да къыйын болумлада юйдегилеге болушургъа хазыр болгъан специалистле алгъанбыз. Бизге бу атламды ышаныулукъну бегитирге эмда юйдегилени багъаларын сакъларгъа. Аны кибик, проектни джашауда бардырыргъа бизге болушханланы барына да - КЪЧР-ни Башчысыны эмда Правительствосуну Администрациясына, Черкесск шахарны мэриясына, КЪЧР-ни Джамагъат палатасына, проектни бютеу къошулгъанлары бла устазларына да разылыгъымы билдирирге излейме. Айтайым, башха регионлада Пятигорск бла Черкесск Епархияны православ клисаларыны талай организациясы бла джамагъатындан бизни проектибизни джашауда бардырыуну сынамына юлюш къошууну тилеб чакъырыу алгъанбыз», – деб чертди проектни тамадасы, Пятигорск епархияны Шимал Къарачай-Черкес округуну благочинниги протоиерей Нартов Александр.
Проектни джашауда бардырыуну чегинде Да Черкесскеде уллу юйюр фестиваль, 100-ден аслам къошулгъан сабий сурат конкурс эмда сочиненияла конкурс болуб етдю. Хорлагъанла бла къатышханла саугъала бла дипломла алгъандыла. Андан сора да, Черкесск шахарда юйдегини медиациясыны окъутуу Аралыгъында «Семейная медиация» деген курсда окъугъан специалистле бла 15 тюбешиу болуб етдю. Хазырланнган медиаторла къыйын юйюр болумгъа тюшген адамлагъа болушлукъ боллукъдула.
Белгилейик, юйюр медиация – бек магъаналы инструментди юйдегини джакълау, ол даулашыуланы сюдлеге джетдирмей, оноуланы тынч, хайырлы джол бла табаргъа мадар береди. Социал эмда психология джюклени ёсгенини болумунда, медиаторла разылыкъны, ышанмакълыкъны эмда бир-бирин ангылауну сакълауда баш фигурала боладыла.
РИА КЧР-ни материалларына кёре