2025-чи джыл октябрны 17-де Пятигорске бла Черкесскени архиепископу Феофилакт, Алийланы У.Д. атлы Къарачай-Черкес кърал университетни студентлери бла тюбешди.
Владыка бусагъатда джаш телюню информациядан сакъланыууну темасын сюзерге теджеб, бюгюнлюкде теджелген негатив информацияны артыкълыгъы бла байламлы къоркъууладан къалай къутулургъа кереклисин айтды.
Архипастырь тынгылагъанлагъа информацияны, акъылгъа ашарыкъча къараргъа кереклисин айтханды, а аш хайырлы болургъа, чархха заран салыргъа да боллукъду. Ол-бу билдириулени алгъынчы, ишге башчылыкъ этгенча, аланы сынаб кёрюрге керекди, андан сора уа ол билдириуле хайырлыдыла неда башханы огъурсузлугъундан бла кёрюб болмаулугъундан ууланнгандыла.
Игини амандан айырыргъа юйрениу алай къыйын тюйюлдю, сынап кёрсенг, бу билдириуле хайырлыдыла эм сейирдиле, татыулудула, алай бла уа, санга хата угъай, хайыр келтирликлерин ангылайса.
Андан сора архиепископ Феофилакт студентлени сорууларына джуаб берди. Владыкадан юч магъаналы литература чыгъарма рекомендация берирге, адам джашауну магъанасын ачыкъларгъа, клиса бла православ динни джашауу бла шагърей болур ючюн бусагъатдагъы информацион ресурсланы рекомендация этерге, дагъыда кёб соруула бердиле.
Тюбешиуге университетни ректоруну ишин болжаллы халда толтургъан Чанкаланы Мурат, аны кибик вузну профессор - устазлыкъ корпорациясыны келечилери да къошулгъан эдиле.